Belacolmea, a liña de apicosmética da Agrupación Apícola de Galicia, protagonista en A Revista da TVG
Belacolmea: La línea gallega de apicosmética que acompañará a los peregrinos
Maio 30, 2021
Belacolmea agarda aos peregrinos en Lalín
Xuño 3, 2021
Demetrio Morenza entrevista a Ester Ordóñez en A Revista, dando a coñecer os beneficios e as características diferenciais da firma de cosmética natural da Agrupación Apícola de Galicia
O programa matinal da Televisión de Galicia, A Revista, adicaba este luns unha sección a Belacolma. Nela, exporíanse os produtos, características e beneficios da que representa a primeira liña galega de apicosmética a base de Mel de Galicia con Indicación Xeográfica Protexida.
No espazo matinal conducido por Loly Gómez, Ester Ordóñez, en representación da Agrupación Apícola de Galicia, expoñía as cualidades que identifican e fan única a Belacolmea, a liña de apicosmética destinada ao coidado e ao benestar corporal que vén da man do Camiño de Santiago e da IXP Mel de Galicia, disposta a proporcionar conforto aos peregrinos na súa andaina. Non en balde, Belacolmea atópase incluída no programa O Teu Xacobeo da Xunta de Galicia, orientado á promoción do Xacobeo 2021-2022.
Apicultura e Camiño de Santiago
Ester Ordóñez lembroulles aos espectadores que a apicultura, en termos xerais, e o mel en concreto están profundamente asentados en Galicia dende tempos inmemoriais, constituíndo unha importante parte do seu patrimonio cultural, botánico e etnográfico. Porén, tamén se estreitaron lazos entre a apicultura e o Camiño de Santiago ao longo da historia, posto que todos os camiñantes que atravesaban estas terras se beneficiaban dos produtos apícolas, servíndose do seu poder estimulante, de curación, cicatrizante e refrescante como remedio.
Nun tributo a esta senlleira relación entre peregrinos e produtos da colmea, a Agrupación Apícola de Galicia prevé a súa presenza en forma de punto de información e venda ao longo de seis localizacións diferentes dentro do Camiño de Santiago. Comezando por este sábado 5 de xuño en Lalín, concretamente estarán entre as 12 h e as 18 h en fronte do Albergue de A Laxe no municipio lalinense.
Cosmética natural a base de Mel de Galicia
Coma ben se contou, Belacolmea nace como unha liña de apicosmética especialmente formulada para o coidado da pel, buscando a prevención e solución de todas as alteracións que esta poida sufrir, a través de formulacións naturais específicas. Entre as bondades dos seus bálsamos e cremas destaca que concentran os beneficios terapéuticos dos produtos da colmea, ademais de ser aptos para todo tipo de cute, especialmente para peles sensibles ou con tendencia á deshidratación. Ademais, os apicosméticos da firma contan co poder do Mel de Galicia, herdando del a súa capacidade enerxética e as súas propiedades antisépticas, antioxidantes e rexeneradoras, perfectas para paliar as dores e as molestias que sofren moitos peregrinos tras longas camiñadas.
Belacomea está formada por toda unha gama de produtos destinados ao coidado corporal, a nutrición e a reparación da pel de zonas concretas, como son: bálsamo para pés, ApiReparador bálsamo corporal, ApiDor bálsamo corporal, xabón natural de mel e própole, crema reparadora de mans e unllas, crema facial anti-idade e crema corporal enriquecida. A liña idónea para todas as persoas que queiran levar un estilo de vida máis natural.
