Belacolmea protagoniza o seu propio espazo no programa ‘Labranza’ da TVG

O programa conducido por Manuel Cruz aborda as características, o proceso de elaboración e os beneficios da firma de cosmética natural da Agrupación Apícola de Galicia

O espazo matinal dos sábados emitido na Televisión de Galicia, Labranza, dedicaba esta fin de semana unha ampla reportaxe a Belacolmea. Nela, recollíanse as características, os produtos, o proceso de elaboración e os beneficiosos ingredientes que integran a firma de apicosmética da Agrupación Apícola de Galicia. A primeira liña galega de cosmética natural a base de Mel de Galicia con Indicación Xeográfica Protexida.

O programa decano da información agraria en televisión a nivel estatal e un dos programas máis veteranos da TVG, emitía unha reportaxe de divulgación onde se expoñían os signos distintivos que fan única a Belacolmea, recorrendo a fontes e organismos que interviñeran na creación desta liña de apicosmética destinada ao coidado e ao benestar corporal. Coma se recordaría ao final, una firma que vén da man do Camiño de Santiago, disposta a proporcionar conforto aos peregrinos na súa andaina. Non en balde, Belacolmea atópase incluída no programa O Teu Xacobeo da Xunta de Galicia, orientado á promoción do Xacobeo 2021-2022.

Unha relación con séculos de historia

Os produtos da colmea formaron parte integrante de pomadas e bálsamos dende tempos inmemoriais. Belacolmea recupera este senlleira relación entre saúde, coidado da cute, prevención e mel, valorizando todo aquilo que nos ofrecen as nosas abellas. Do mesmo xeito, como se subliña na reportaxe, a creación desta marca de apicosmética tamén supón unha forma de dinamizar o rural galego, pudendo vivir nel e del a través da apicultura. Diversificar a produción supón un paso máis para a supervivencia deste importante sector. 

Cosmética natural avalada e certificada

Belacolmea nace como unha liña de apicosmética especialmente formulada para o coidado da pel, buscando a prevención e solución de todas as alteracións que esta poida sufrir, a través de formulacións naturais específicas. Entre as bondades dos seus bálsamos e cremas destaca que concentran os beneficios terapéuticos dos produtos da colmea, ademais de ser aptos para todo tipo de cute, especialmente para peles sensibles ou con tendencia á deshidratación. Ademais, os apicosméticos da firma contan co poder do Mel de Galicia, herdando del a súa capacidade enerxética e as súas propiedades antisépticas, antioxidantes e rexeneradoras, perfectas para paliar as dores e as molestias que sofren moitos peregrinos tras longas camiñadas.

Grazas ao apoio da AGADER, a través do GDR —Grupo de Desenvolvemento Rural Adercou—, e contando ademais con fondos directos dende Adercou puidose abordar a realización de dous estudos na Universidade de Vigo. Un deles tería lugar no campus Ourense, concretamente no departamento de Aerobioloxía e Apicultura da Facultade de Ciencias de Ourense; e outro no campus Vigo, a través do departamento de Física Aplicada da Facultade de Ciencias. Dende a Universidade de Vigo confirmaron así o crumprimento dos máis altos requisitos de calidade nunha valoración obxectiva do Mel de Galicia e dos ingredientes que integrarían cada un dos produtos. Deste xeito, concluíron corroborando a eficacia destes tratamentos, así como os altos beneficios que aportan dentro do mundo da cosmética.

Cabe lembrar que Belacomea está formada por toda unha gama de produtos destinados ao coidado corporal, a nutrición e a reparación da pel de zonas concretas, como son: bálsamo para pés, ApiReparador bálsamo corporal, ApiDor bálsamo corporal, xabón natural de mel e própole, crema reparadora de mans e unllas, crema facial anti-idade e crema corporal enriquecida. A liña idónea para todas as persoas que queiran levar un estilo de vida máis natural.

Preme aquí para ver o programa ao completo