Belacolmea recibe aos peregrinos en Arzúa

Este sábado, 4 de setembro, a Agrupación Apícola de Galicia instalará un punto de información e venda de Belacolmea na céntrica Praza de Galicia de Arzúa.

Os camiñantes serán agasallados cun Pack Peregrino composto por tres mostras de apicosméticos destinadas ao coidado e á reparación da pel.

Belacolmea supón a primeira liña galega de apicosmética formulada a base de Mel de Galicia de Indicación Xeográfica Protexida. Un proxecto beneficiario do programa O Teu Xacobeo da Xunta de Galicia.

Este sábado 4 de setembro, entre as 11 h e as 19 h, a Agrupación Apícola de Galicia ten prevista a instalación dun punto de información e venda de Belacolmea na céntrica Praza de Galicia do concello de Arzúa. Unha localización idónea para recibir aos peregrinos que estean realizando o Camiño Francés e compartir con eles os recoñecidos beneficios da apicosmética natural.

Belacolmea materializa a senlleira relación entre peregrinos e apicultura, sendo unha liña de cosmética natural que aglutina os beneficios do Mel de Galicia con Indicación Xeográfica Protexida, así como doutros produtos da colmea como son o propóleo ou a cera.

Que atoparán no punto de información e venda?

Este sábado, no punto de información, os camiñantes recibirán como agasallo un Pack Peregrino composto por tres mostras: un bálsamo para pés de nutrición intensa e os bálsamos corporais ApiDor e ApiReparador. Todos eles contan co poder do Mel de Galicia, herdando del a súa capacidade enerxética e as súas propiedades antisépticas, antioxidantes e rexeneradoras, perfectas para paliar as dores e as molestias que sofren moitos peregrinos tras longas camiñadas.

Do mesmo xeito, ofrecerase información a todas as persoas interesadas no ámbito da apicosmética en xeral, ou en Belacolmea en concreto, para alén de poder adquirir outros produtos pertencentes a esta liña de coidado corporal no mesmo posto.

A cuarta de seis paradas ao longo do Camiño de Santiago

Tras pasar por Lalín, O Porriño, Pontevedra e Arzúa, a Agrupación Apícola de Galicia prevé a colocación de dous puntos de información máis ao longo do mes de setembro. Concretamente:

• Sábado 18 de setembro: Dumbría
• Sábado 25 de setembro: O Cebreiro

Finalmente, cabe lembrar que Belacolmea constitúe un dos proxectos incluídos no programa O Teu Xacobeo da Xunta de Galicia, orientado á promoción e dinamización do Xacobeo 2021.