Belacolmea agarda aos peregrinos no Porriño

Este sábado, 19 de xuño, a Agrupación Apícola de Galicia instalará un punto de información e venda da súa liña de apicosmética Belacolmea na Praza Antonio Palacios do Porriño.

Os camiñantes serán agasallados cun Pack Peregrino composto por tres mostras de apicosméticos destinadas ao coidado e á reparación da pel.

Esta supón a primeira parada da Agrupación Apícola de Galicia, que ten previsto instalarse noutros cinco enclaves do Camiño de Santiago nos próximos meses. Cabe lembrar que Belacolmea é un dos proxecto beneficiarios do programa O Teu Xacobeo da Xunta de Galicia.

Maañ sábado 19 de xuño, entre as 09 h e as 14 h, a Agrupación Apícola de Galicia ten prevista a instalación dun punto de información e venda de Belacolmea na Praza Antonio Palacios do Porriño. Esta localización non foi elixida ao azar, senón por tratarse dun enclave importante para os peregrinos que realizan o Camiño Portugués.

Belacolmea materializa a senlleira relación entre peregrinos e apicultura, sendo unha liña de cosmética natural que aglutina os beneficios do Mel de Galicia con Indicación Xeográfica Protexida, así como doutros produtos da colmea como son o propóleo ou a cera.

Que haberá no punto de información e venda?

Este sábado, no punto de información, os camiñantes recibirán como agasallo un Pack Peregrino composto por tres mostras: un bálsamo para pés de nutrición intensa e os bálsamos corporais ApiDor e ApiReparador. Todos eles contan co poder do Mel de Galicia, herdando del a súa capacidade enerxética e as súas propiedades antisépticas, antioxidantes e rexeneradoras, perfectas para paliar as dores e as molestias que sofren moitos peregrinos tras longas camiñadas.

Do mesmo xeito, ofrecerase información a todas as persoas interesadas no ámbito da apicosmética en xeral, ou en Belacolmea en concreto, para alén de poder adquirir outros produtos pertencentes a esta liña de coidado corporal no mesmo posto.

A segunda de seis paradas ao longo do Camiño de Santiago

Tras o seu paso por Lalín o pasado 5 de xuño, a Agrupación Apícola de Galicia prevé a colocación de catro puntos de información máis ao longo dos vindeiros meses. Todas estas localizacións comparten o feito de ser zonas de tránsito ou chegada dos camiñantes que estean a realizar algunhas das rutas xacobeas. Concretamente:

• Sábado 14 de agosto: Pontevedra
• Sábado 4 de setembro: Ribadiso (Arzúa)
• Sábado 18 de setembro: Dumbría
• Sábado 25 de setembro: O Cebreiro

Finalmente, cabe lembrar que Belacolmea constitúe un dos proxectos incluídos no programa O Teu Xacobeo da Xunta de Galicia, orientado á promoción e dinamización do Xacobeo 2021.