Curso Apícola Online: Alimentación das colmeas

Nutrición da colonia, formulacións de pensos… inscríbete neste curso de apicultura impartido por Pajuelo Consultores Apícolas e fórmate en alimentación e preparación de colmeas

Pajuelo Consultores Apícolas organiza o curso online Alimentación e preparación das colmeas, unha formación a distancia totalmente práctica que ten coma obxectivo dotar dos coñecementos relativos á avaliación das necesidades nutricionais das abellas, as materias primas presentes no mercado, a elaboración de pensos, a súa preparación e aplicación.

Sen dúbida, un curso imprescindible, tendo en conta que unhas abellas ben alimentadas son sinónimo de boa saúde e mellor colleita.

A formación realizarase baixo a modalidade “Presencial na Casa” a través da plataforma Zoom. Dende Pajuelo Consultores Apícolas entregarase a documentación por email unha semana antes á sesión de traballo. Tras a exposición a través de Zoom, haberá un turno de preguntas e resolución de dúbidas. Poderá darse resposta a preguntas sobre o explicado a través do correo electrónico ata unha semana despois de realizar o curso.

Título do curso

Alimentación e preparación das colmeas

Duración

3 horas 

Prazas limitadas

Programa

• Ciclo anual das colmeas
• Momentos críticos e operacións de manexo correspondentes
• Nutrición da colonia, conceptos básicos
• Aportes do mel e o pole ás necesidades nutricionais da colonia
• Indicadores de campo do estado nutricional da colonia
• Materias primas do mercado para a preparación de pensos complementarios para as abellas
• Pensos complementarios do mercado para as abellas
• Formulacións de pensos complementarios segundo obxectivos

Prezo para os socios

25 euros – Se sodes socios e vos queredes inscribir contactade con nós enviando un correo a oficina@planapicola.com.

Prezo para os non socios

75 euros