A Feira Apícola das Rías Baixas protagoniza La Entrevista de Hoy

Ester Ordóñez desvela as claves da Feira Apícola das Rías Baixas para Telemiño en La Entrevista de Hoy

A canle de televisión ourensá Telemiño, adica o seu espazo La Entrevista de Hoy á Feira Apícola das Rías Baixas, celebrada o sábado 20 de marzo, entre as 10.30 h e as 20.00 h, integramente en streaming.

Nunha entrevista a Ester Ordóñez, veterinaria da Agrupación Apícola de Galicia e presidenta do Consello Regulador da IXP Mel de Galicia, coñecemos os pormenores desta cita tan especial coa apicultura galega: os asistentes, o formato de emisión, a cata comentada virtual dos distintos tipos de mel da IXP Mel de Galicia e a celebración dun concurso fotográfico.

Un concurso con premios moi doces

Ester Ordóñez anunciaba a celebración dun concurso fotográfico por parte da Agrupación Apícola de Galicia, cuxo plazo de participación comezaba o 20 de marzo e rematará o vindeiro 5 de abril.

Poderán participar as persoas maiores de idade, afeccionados á fotografía ou profesionais, con ata dúas instantáneas. As fotografías terán como obxectivo captar a beleza das abellas na súa cotiandade, mentres interactúan coa contorna: nos colmeares, coas flores, con outros elementos da natureza…

Os participantes optarán a tres galardóns en metálico. Un primeiro premio de 500 euros, un segundo premio de 300 euros e un tercer galardón de 200 euros.

Para máis información, as bases están dispoñibles a través da web da Agrupación.

A apicultura, unha gandeiría con futuro

Dende a Agrupación Apícola de Galicia animan á participación nesta Feira Apícola das Rías Baixas, así coma nas súas Xornadas Internacionais de Apicultura, un paso máis na profesionalización do sector. Do mesmo xeito, subliñan que o universo apícola constitúe unha posibilidade de negocio sostible e real, todo un motor de desenvolvemento do agro galego que favorece a vida no rural e do rural.