Proxecto: Diversificación apícola a través da elaboración de cosmética apícola · BELACOLMEA

Unha iniciativa que ten por obxecto aumentar as posibilidades do sector da apicultura procurando novos ámbitos de aplicación

Este proxecto nace co fin de poñer en valor as potencialidades dos produtos da colmea a través dunha nova liña de cosmética natural con Mel de Galicia IXP. Así, tras dous anos de estudo, investigación e desenvolvemento coa Universidade de Vigo —concretamente co Departamento de Física Aplicada do Campus Vigo, o Departamento de Bioloxía Vexetal e o Departamento de Ciencias do Solo do Campus Ourense—; e grazas á participación de 60 voluntarios e á financiación con fondos propios de ADERCOU (GDR11), esta liña sae ao mercado coa máxima garantía e innovación. Tamén é un proxecto que se engloba dentro de O Teu Xacobeo 21-22.

O obxectivo desta iniciativa é axudar aos apicultores a aumentar as rendas das súas explotacións a través da diversificación cos produtos da colmea, para así poder continuar vivindo no rural e do rural.

Belacolmea é un proxecto de innovación e I+D+I. E sobre todo involucrado no desenvolvemento do rural.