PROXECTO SOST APÍCOLA

Mellora da sostenibilidade apícola mediante o uso de novas técnoloxias e a conservación da abella local apícola.

O obxectivo principal do proxecto é mellorar a sustentabilidade e sostenibilidade das explotacións apícolas, potenciando a apicultura de precisión e seleccionando ecotipos de abellas con características favorables. Todo elo permitirá unha mellor resposta do sector fronte a pragas como a varroose e a vespa velutina, ou factores ambientais coma o cambio climático.

O proxecto busca reducir custes da explotación, facilitar o estado sanitario das abellas, e incrementar a capacidade produtiva. Tamén o uso eficiente dos recursos, a mellora da polinización e a redución do impacto do cambio climático. Adecúase as seguintes áreas prioritarias:

• Xestión sustentable dos recursos naturais: programas dirixidos ás áreas de sanidade animal e preservación e mellora dos recursos animais para á produción de alimentos de calidade. Mellora dos métodos de seguimento e control de patoloxías parasitarias e infecciosas na apicultura.
• Sistemas agrarios de produción. Aumento da sostenibilidade e competitividade dos sistemas de produción gandeira orientada á mitigación dos impactos e loita contra o cambio climático. Mellora xenética das colonias de abellas.
• Aplicación das TICs á apicultura.

Este proxecto busca incorporar protocolos de actuación adaptados a Galicia, implementando sistemas IoT, deseñadas para outras áreas xeográficas. Desenvolveranse ferramentas de toma de decisión, para mellorar a produtividade da apicultura.

Outra aportación ten que ver coa conservación da abella local. Un aspecto esquecido ate o de agora. Así, buscarase parametrizar os ecotipos de abellas, en base a subtipos como os seguintes:

• Subtipo máis manso e estable en produción.
• Subtipo menos enxameador.
• Subtipo menos agresivo.

Dito proxecto está liderado pola Agrupación Apícola de Galicia e participan nel a Universidade de Vigo, CFEA Sergude (Centro de Formación e Experimentación Agraria de Sergude), BOAGA (Federación de Razas Autóctonas de Galicia,) Centro de Recursos Zooxenéticos de Galicia e varios produtores primarios.

1. Mapa dos apiarios visitados por concellos.

2. Gráficas das características dos colmeares que participan no proxecto.

3. Imaxes de distintas raíñas que hai nos colmeares galegos.

4. Imaxes dalgunhas das reunións realizadas nesta anualidade.

5. Imaxe das mostras recollidas nos diferentes apiarios.

6. Imaxes dos sensores internos, cámara fototrampeo e balanza nas colmeas monitorizadas.

7. Enquisa realizada aos apicultores.

Enquisa completa