apicultura en galicia

Roberto Vilar e Raquel Atanes aproxímanse ao apaixonante mundo da apicultura e do mel con Ester Ordóñez, veterinaria da Agrupación Apícola de Galicia e presidenta da IXP Mel de Galicia, e Beatriz Ríos, técnica e formadora do panel de cata da IXP Mel de Galicia

Belacolmea desprázase esta fin de semana ao Cebreiro para dar a coñecer aos peregrinos a súa liña de produtos, que inclué novas formulacións elaboradas con xelea real.

O vindeiro sábado 25 de setembro, de 12 a 18 h, a Agrupación Apícola de Galicia instalará un punto de información e venda de Belacolmea no Cebreiro, a última parada desta liña de apicosmética tras un longo percorrido a través do Camiño de Santiago. Ademais, presentará a última incorporación da súa gama de cosmética natural: un bálsamo labial reparador.

O sábado 18 de setembro, entre as 12 h e as 18 h, a Agrupación Apícola de Galicia ten prevista a instalación dun punto de información e venda de Belacolmea no Lugar de Olveiroa, no municipio de Dumbría —A Coruña—.

Este sábado 4 de setembro, entre as 11 h e as 19 h, a Agrupación Apícola de Galicia ten prevista a instalación dun punto de información e venda de Belacolmea na céntrica Praza de Galicia do concello de Arzúa.

O vindeiro sábado, 14 de agosto, a Agrupación Apícola de Galicia instalará un punto de información na Feira do Mel que se celebrará na cidade de Pontevedra, concretamente na rúa Serra, enfronte do Mercado de Abastos.

O programa conducido por Manuel Cruz aborda as características, o proceso de elaboración e os beneficios da firma de cosmética natural da Agrupación Apícola de Galicia